ЩэшIэ Аслъан: «ПIырагу» (Iотэжь)
|
posted by eagle on January, 2010 as Российская доски
ЩэшIэ Аслъан: «ПIырагу» (Iотэжь) 1.1.2010 01.01.2010 – 15:20 – НатпрессАрамбый, илъэситф нахь ымыныжьыми, ицIэджэгъоу ядэжь къихьэрэм фэдэу, гъэхъагъэхэр спортым щишIынэу фай. Ау бэнэныр икIасэп, футболэу ятэ блимыгъэкIырэр, ежьыри ыгу хэпкIагъ.Мыбэнэшъунэу арэп, илэгъухэм зыгорэ тырахынэу зыфежьэхэкIэ, псынкIэу аришIэн егъоты. Арау футболымкIи, шъофым ит футболист бэнакIохэр армырэур, къэлапчъэм Iутым нахь лъэплъэ, ащ зыфегъадэ.Джы ежь-ежырэу футбол решIэн ылъэкIынэу анэ-ятэмэ тын лъапIэ къыфашIыгъ. МэгушIо, еплъы, къыпхъотэн фалI шхьаем, а къыфахьыгъэм ыцIэ къымыIошъоу зэтенагъ. ЕпIон плъэкIыщтыр ыгу илъ, ау тIуми язэу нахь тэрэзыр ышIэрэп.– Сыда мы къысфэшъущэфыгъэр? - хъоршэрыгъэ тIэкIу хэлъэу, яупчIы шъэожъыер.– Плъэгъурэба? Iэгуау! - ятэ иджэуап зэхехы.– Iэгоона, ма? Пырагу нахь, - къеIо яни. - IэкIэ урешIэнэу щытымэ – Iэгуау. ЛъакъокIэ уреощтмэ – пIырагу. Футболба узэшIэщтыр?!КъаIощтыр ымышIэу щытыгъэп Арамбый. БэшIагъэ гу зылъитагъэр: янэ риIорэр – пIырагу, ятэ – Iэгуау. Ау сабыим анэ-ятэмэ аримыгъэшIэгъэ закъор – къэлапчъэм Iутынэу зеухьазыры, IэкIи, лъакъокIи решIэнэу фитыщт.Бэрэ егупшысагъэп, сыда пIомэ, дахэу жъыоу, мэ IэшIу пихэу, узэригънэцIыщтыгъ.– Мячым сырыджэгу хъущта? - ыIуи яупчIыгъ.– Адэ хъун, - яни яти, зэдырагъаштэу, къыраIожьыгъ. - Арыба къызкIыпфэтхьыгъэр!Ащ лъыпытэу ыпхъуати, щагум, ишъэогъухэм алъыхъоу, дэуцуагъ… http://www.natpress.net/stat.php?id=4775
comments (0)
|